Antes de incorporarse ao seu período de prácticas de empresa, parte das alumnas de 2º curso do Ciclo Superior Proxectos de Edificación percorreron os lugares máis significativos de Ferrol onde o arquitecto Rodolfo Ucha Piñeiro deixou o seu legado: A Casa Antón, a Casa Pereira, o edificio do Hotel Suízo…
Considerado o máximo representante do modernismo na cidade, Rodolfo Ucha deseñou emblemáticos edificios como o Teatro Jofre, a Peixaría e diversas vivendas de elegante estética modernista, que aínda hoxe destacan pola súa riqueza ornamental e detalles arquitectónicos.
Acompañadas pola profesora Belén Arnoso, a visita permitiu ás alumnas coñecer de preto a obra deste arquitecto, cuxo nome dá identidade ao noso Centro de Formación Profesional desde hai máis de 25 anos.
