Os días 24 e 25 de novembro, alumnado e profesorado de varios cursos asistiron en Expourense ao III Congreso internacional de turismo deportivo que tivo lugar coincidindo co V Salón do deporte e turismo activo.
Durante a xornada do día 24 de novembro, os alumnos e alumnas do CS de Ensinanza e Animación Sociodeportiva e do CS de Guía, Información e Asistencia Turísticas aproveitaron para escoitar varios relatorios relacionados cos estudos que están a cursar. Ademais, uns visitaron as casetas relacionadas coa súa actividade e a saúde, (como o de medidas biométricas da Universidade de Vigo), e outros fixeron un percorrido polas casetas de turismo de Ourense, Ribeira Sacra ou Viveiro.
Durante a mañá do día seguinte, foi a quenda do alumnado dos ciclos superiores de Asistencia a Dirección, Administración e Finanzas e Márketing e Publicidade, co foco posto na xestión e organización dos eventos deportivos e as feiras.
A actividade enmárcase dentro da aula de Emprendemento xa que un dos obxectivos foi o achegamento do alumnado a un sector con grandes posibilidades para as iniciativas empresariais e que está a xerar oportunidades para o desenvolvemento local baseado no turismo.
Estas son as imaxes da visita:
