Os día 19 e 21 de xaneiro tivo lugar a 3ª xornada do obradoiro de creación audiovisual enmarcado dentro do contrato programa CPinclúe no que está a participar o noso centro. A este obradoiro asisten os grupos de 2º de DAW en horario de tarde e 2º de SMIR en horario de mañá.
Nesta sesión formouse aos estudantes no uso de software de captura e edición de vídeo co programa KDEnlive empregando a captura do escritorio, gravación de audio e uso de texto, dentro da liña desta formación para capacitar aos estudantes na elaboración de manuais e videotitoriais sobre ferramentas informáticas ademais de dotalos de ferramentas que favorezan a súa capacidade de creación de contidos dixitais así como de emisión de vídeos en directo ou streaming expandindo deste xeito as súas saídas laborais.
![](https://www.cifprodolfoucha.es/wp-content/uploads/2022/01/DSC_0082-1024x684.jpg)
![](https://www.cifprodolfoucha.es/wp-content/uploads/2022/01/IMG-20220121-WA0003-1024x576.jpg)
![](https://www.cifprodolfoucha.es/wp-content/uploads/2022/01/DSC_0079-1-1024x683.jpg)