Entrega de premios do Concurso idea

20181211EntregaPremiosIdeaEduEmprende No dia de onte a responsable de emprendemento e profesora da familia profesional de hostalaría e turismo Elena Anca acudiu acompañada dun membro do equipo directivo á entrega de premios do Concurso idea 2018 que todos os anos se convoca ao abeiro do plan eduemprende. O acto tivo lugar no auditorio 1 do edificio Cinc da Cidade da Cultura de Santiago de Compostela.

Premiáronse seis interesantísimos traballos de emprendemento, dun total de vinte e cinco presentados desde toda Galicia. Desafortunadamente ningún deles foi enviado polo o noso centro, pero agardemos que na vindeira convocatoria poidamos presentar alomenos un proxecto. E como dispoñemos do noso viveiro de empresas, por que non soñar con que se chegue a materializar?

Galicia Skills 2018

Portada das Galicia Skills 2018

Galicia Skills - Carlos Bello Pita

Os pasados días 28 e 29 de novembro, celebráronse en Silleda, no recinto Feira Internacional de Galicia Abanca, as GaliciaSkills 2018.Este é un campionato eminentemente práctico que consiste no desenvolvemento de 26 competicións relacionadas coas especialidades de formación profesional, nas que o alumnado participante mide as súas destrezas e demostra as súas capacidades na realización das correspondentes probas.

Certame Literario

20181030LogoBiblioMiniatura

Dende o Concello de Ferrol enviaron ao noso centro un correo electrónico para comunicarnos a convocatoria da quinta edición do certame literario Carmela Loureiro. Á espera da convocatoria do noso tradicional certame de microrrelatos,  achegámosvos as bases deste e animámosvos a participar nel.

BasesCertameLiterarioCarmelaLoureiroV


BibliotecaMunicipal

Tamén aproveitamos a ocasión para inserir o enlace ás novidades adquiridas pola biblioteca municipal de Ferrol nos últimos dous meses e que amablemente nos remitiron:

Novidades Biblioteca Municipal de Ferrol

Novidades de cinema

20181030LogoBiblioMiniaturaSe na anterior publicación falabamos de libros, nesta queremos suxerirvos o visionado dalgunhas películas de reciente ingreso na nosa colección:

Cinema:

PeliBladeRunnerMontaxeFinalPeliLaIslaMínimaPelisTodas

  • Truman  de Cesç Gay
  • El club de Pablo Larraín
  • Un día perfecto de Fernando León de Aranoa
  • El  puente de los espías de Steven Spielberg
  • El francotirador de Clint Easwood
  • Blade Runner de Ridley Scott
  • La isla mínima de Alberto Rodríguez

 

Ademais temos un título novo cada mes grazas á revista Speak Up, que nos permite o seu visionado co audio orixinal ou en castelán. Estes son algúns dos máis recentes:

PeliBladeRunner2045PeliZLaCiudadPerdida

PelisSpeakUp

  • Blade Runner 2049 de Ridley Scott
  • La reina Victoria y Abdul de Stephen Frears
  • El instante mas oscuro de Joe Wright
  • Z. La ciudad perdida de James Gray
  • El hilo invisible de Paul Thomas Anderson
  • El cículo de James Ponsoldt
  • Negación de Mick Jackson

E, por suposto, consulta a existencia de calquera outra película no seguinte enlace:

Catálogo Biblioteca do Ucha

FCT ERASMUS (Prácticas noutro país da UE)

Facer a FCT noutro país da Unión Europea non ten moitas diferenzas, agás as evidentes, co respecto a facela no territorio español. Ver entrada sobre a FCT nesta mesma web

Nembargantes intentaremos resolver as posibles dúbidas e as preguntas máis frecuentes:

QUEN AS PODE REALIZAR?

Todos aqueles alumnos/as que estén cursando 2º curso no momento de realizar a FCT.

Tamén podería facer prácticas no estranxeiro o alumnado que xa titulou dentro dos seguintes 6 meses a data de titulación.

CALES SON OS REQUISITOS PARA PODER REALIZAR ESTAS PRÁCTICAS?

1º Ter a voluntade e o compromiso de facelas.

2º Ter un nivel medio-alto en idioma estranxeiro, fundamentalmente inglés, aínda que pode ser tamén a lingua do país de destino: francés, italiano, portugués…

3º No caso de haber máis candidatos/as que prazas unha comisión imparcial decidirá quen ten prioridade basándose en criterios de expediente, formación en linguas, disponibilidade, … entre outros aspectos. O dictamen sería sempre público e transparente.

QUE ME OFRECE O PROGRAMA DE PRÁCTICAS NO ESTRANXEIRO?

Una beca de unha cantidade variable de diñeiro dependendo do país de destino (normalmente entre 250-350 euros por mes) e a posibilidade de facer un curso on-line de idiomas.

COMO SE CONSIGUE A EMPRESA PARA A REALIZACIÓN DAS PRÁCTICAS?

Hai dúas opcións, a máis habitual é que o propio alumnado a busque en coordinación co titor da FCT e o responsable das prácticas no estranxeiro utilizando a base de datos de cursos anteriores. Tamén se pode encargar a busca a unha empresa intermediaria

Para o aloxamento tamén hai varias opcións.

QUE PODO GAÑAR PARTICIPANDO NESTES PROGRAMAS?

En primeiro lugar, unha experiencia de traballo nun país estranxeiro que aumentará a variedade e a calidade da formación recibida.

En segundo lugar, unha mellora na capacidade de comunicación e traballo nunha lingua diferente.

E en terceiro lugar, unha experiencia vital que abre os horizontes de emprego non só no estranxeiro senón tamén no territorio español.

 

Novidades bibliográficas

20181030LogoBiblioMiniaturaSe es dos que pensas que non vas atopar nada reciente para o teu lecer nos fondos da nosa biblioteca, aquí van 10 dos títulos adquiridos dende o curso pasado. Noutra entrada falaremos de cinema pero agora centrarémonos nos libros:

Literatura:
20181106NovidadesLibros

  • 1984 de Georges Orwell
  • Patria de fernando Aramburu
  • Sen novas de Gurb de Eduardo Mendoza
  • La voz dormida de Dulce Chacón
  • A morte en Venecia de Thomas Mann
  • The pillarsof the earth de Ken Follet

A biblioteca do Ucha

Ola, nesta primeira publicación miña gustaríame presentarvos o logotipo que pretendemos que identifique a todas as publicacións que teñan que ver coa nosa biblioteca.

Quizais moita xente non o saiba pero a imaxe foi a gañadora do concurso que se realizou durante o curso 2010/2011 e do que resultou gañador Brais Freire Díaz-Caneja, naquel entón alumno de primeiro de Administración e Finanzas.

Oxala que guste e se faga moi popular entre todos nós.

Basta xa á desigualdade entre homes e mulleres

Con motivo da celebración do día internacional da muller do 8 de marzo, toda a comunidade educativa deste centro sumámonos hoxe a un pequeno acto manifestando a nosa repulsa ás desigualdades que existen na actualidade entre homes e mulleres, unha desigualdade que ten como máximo expoñente a violencia de xénero.

O acto consistiu en interpretar por parte do alumnado, profesorado e demais persoal que traballa no centro, a coñecida canción dos Beatles “Let it be” con letra adaptada. O estribillo “Basta XA “ pide o fin das desigualdades, das preferencias e da violencia de xénero.
Agradecemos a toda a comunidade educativa pola colaboración, especialmente ao profesor Roberto Amado por ser o impulsor da idea, que en todo momento estivo apoiado polo director de coros Juan Brage e a actriz  Cristina Mariño.

Baleiramos  as aulas e paramos a actividade académica por un intre, pero o sentimento de todos/as nós era que o centro seguía cheo e cumprindo o seu cometido: aprendemos todos,…aprendemos valores.