Os vindeiros mércores 25 e xoves 26 de setembro de 2024 teremos unha nova oportunidade de doar vida na unidade móbil da Axencia de Doazón de Órganos e Sangue (ADOS) que permanecerá perante o noso centro co seguinte horario:
- Mércores, 25 de setembro: entre as 9:30 horas e as 14:30 horas, e de 15:30 horas a 21:00 horas
- Xoves, 26 de setembro: entre as 9:30 horas e as 14:30 horas
O sangue é un ben escaso e insubstituíble en moitos tratamentos e en moitas cirurxías polo que é tremendamente necesaria a nosa altruísta participación nas xornadas de doazón.
Tede en conta que para doarmos debemos ter máis de 18 anos de idade e pesar máis de 50 kg. Non nos levará máis de 10 minutos facer a doazón.
Como xa vén sendo costume, queremos premiar dende o centro a vosa xenerosidade sorteando entre o alumnado doador dous vales Amazon de 25 € cada un.
Aqueles e aquelas de vós que esteades interesados/as en participar, deberedes devolver en conserxería antes de que acabe o luns 30 de setembro de 2024 un dos resgardos do número que vos entregarán por duplicado no mesmo intre da doazón. Só eses números devoltos entrarán no sorteo. Ademais, deberedes estar prestar atención a esta páxina web, pois a través dela publicaranse, antes do luns 7 de outubro de 2024, os dous números gañadores. Unha vez publicados os número gañadores, disporedes de 15 días para recoller o vale.
Para evitar que os premios queden sen entregar, pregámosvos que soamente participedes no sorteo se tedes interese no agasallo e que teñades en conta os prazos propostos.
Lembrade que só podedes doar un dos dous días e non podedes facer xaxún. Lembrade tamén que se trata dun procedemento totalmente seguro.