escape r

Xa se poden descargar algúns dos xogos feitos polos alumnos do C.S. Desenvolvemento de Aplicacións Multiplataforma no módulo Programación Multimedia e Dispositivos Móbiles.

Para descargalos hai que acceder a este curso da aula virtual.

 

Ditos xogos foron feitos utilizando o motor de xogos multiplataforma LIBGDX. Pódense instalar en plataformas tanto Android como PC.

 

 

dinoWEB pequena

Os gañadores do concurso de microrrelatos son:

 

Primeiro premio: TAN SÓ A OITO MILIMETROS de Javier Lopez Rodríguez. (2º TAFAD)

Segundo premio: ESCURIDADE E INQUEDANZA de Marina Toimil Beceiro. (1º Administración e finanzas)

 

Os microrrelatos faranse públicos en breve nesta web e na revista do centro.

A entrega dos premios terá lugar na biblioteca o vindeiro venres 23 de maio as 12:45.

 

trocolibro

Os gañadores do Trocolibro de este ano son:

  • Réxime ordinario: Jesús Guitierrez Cebreiro
  • Réxime modular: Sergio Santiago Pérez

 

¡Noraboa!

 

trocolibro

¿QUE É O TROCOLIBRO?

O trocolibro é unha xornada de intercambio de libros e de invitación á lectura.

¿A QUEN SE DIRIXE O TROCOLIBRO?

A todos os membros da comunidade educativa do centro que queiran intercambiar libros.

¿CANDO TERÁ LUGAR?

O xoves 18 de decembro no réxime ordinario e o mércores 17 no modular.

¿COMO PODEMOS PARTICIPAR?

As persoas participantes deberán traer o día da xornada o libro ou os libros que queiran doar e cambialos no mostrador de recollida por uchas, a moeda que lles permitirá retirar tantos exemplares como libros entregaran. Os uchas só terán validez a xornada de trocolibro. 1 libro entregado = 1 ucha = 1 novo libro que recoller

¿QUE CONDICIÓNS DEBEN CUMPRIR OS LIBROS QUE SE INTERCAMBIARÁN?

Os libros serán de segunda man, pero deberán encontrarse en bo uso. Corresponderán a obras literarias de calquera dos xéneros seguintes: narrativa: novela ou conto(s), ensaio, poesía, teatro, novela gráfica ou banda deseñada.

As obras poderán estar escritas en galego, castelán ou nunha lingua estranxeira. Non se recollerán libros de texto, catálogos, folletos, revistas, etc. Non se recollerán libros incompletos. Non se recollerá ningún tipo de material que atente contra os dereitos e liberdades fundamentais das persoas. Os organizadores asesorarán aos participantes ante calquera dúbida sobre a idoneidade do material que acheguen.

¿POR QUE ME ANIMADES A PARTICIPAR?

  •     Porque sabemos que a lectura, ademais dunha ferramenta indispensable para a túa formación, é unha fonte de pracer.
  •     Porque cremos no intercambio e na reutilización dos obxectos para darlles novas vidas
  •     Porque queremos promover a relación e a colaboración entre as persoas
  •     Porque queremos invitarte a diferenciar entre o valor de uso e o valor de mercado dos obxectos
  •     Para que experimentes novas formas de agasallar e de agasallarte
  •     Porque sortearemos dúas entradas de cine entre o alumnado que participe: dúas no réxime ordinario e outras dúas no modular

¿CAL É O ESPÍRITO DO TROCOLIBRO?

O trocolibro é unha festa na que achegaremos algún libro que nos gustase e na que poderemos atopar algún outro que nos interese ler. Ao escoller o libro para doar pensa que entre os que se reúnan ti buscarás un novo para levar, polo que a cantidade e a calidade da biblioteca que creemos depende de todos e de todas.

¿QUE PASA COS LIBROS QUE SE ENTREGAN?

Ao entregar un libro dóalo ao fondo do trocolibro e poderán ser levados por outros participantes. Os libros que non se retiren quedarán nun punto continuado de intercambio que estará á túa disposición todo o curso.